«Նման գործելակերպը ես չեմ հանդուրժելու». Նիկոլ Փաշինյան

«Մեր ծանրամարտի հավաքականի կազմի հետ հանդիպման ժամանակ անակնկալ իմացա, որ մեր ծանրամարտիկները միջազգային ստանդարտներին համապատասխան ծանրաձողեր չունեն: Սա առաջին հարցն էր, որ ստանձնեցինք լուծել: Դա եղել է 2021թ. ապրիլին, այսօր 2021 հուլիսն է, ու եթե ճիշտ եմ հիշում՝ Օլիմպիադան օգոստոսին է. ինչո՞ւ է երկու ամիս անց այս հարցը քննարկվում, ծանրաձողերը ե՞րբ կլինեն տեղում ու ինչո՞ւ է լրակազմը պակասել, երբ ես խոստացել էի 20-ը»,- դիմելով հարցը զեկուցող Կրթության, գիտության, մշակույթի և սպորտի նախարարի պաշտոնակատար Վահրամ Դումանյանին՝ ասաց Նիկոլ Փաշինյանը: «Նման գործելակերպը ես չեմ հանդուրժելու. եթե ասել եմ 20-ը պետք է լինի, ուրեմն պետք ա լինի 20-ը: Ուրեմն այսպես, կահապովե՛ք, որ 20 ծանրաձողն օր առաջ լինի հավաքականի տրամադրության տակ»,- հավելեց վարչապետի պաշտոնակատարը: