ՀՖՖ-ն Պրոֆեսիոնալ ֆուտբոլի լիգա ստեղծելու պաշտոնական առաջարկ է ներկայացրել ակումբներին

Հայաստանի ֆուտբոլի ֆեդերացիան պաշտոնապես դիմել է ակումբներին Պրոֆեսիոնալ ֆուտբոլի լիգայի ստեղծման շուրջ քննարկումներ ծավալելու առաջարկով: Շահագրգիռ քննարկումների և փորձի փոխանակման արդյունքում ՀՖՖ-ն մշակել է (ՀՊՖԼ) կանոնադրության և «ՀՖՖ-ՀՊՖԼ» փոխըմբռնման հուշագրի նախնական աշխատանքային տարբերակներ, որոնք այսօր ՀՖՖ նախագահ Արմեն Մելիքբեկյանն ուղարկել է ակումբներին:

Հայաստանի ֆուտբոլի ֆեդերացիան խնդրել է մեկամսյա ժամկետում ուսումնասիրել փաստաթղթերը, որից հետո ՀՖՖ-ում հանդիպում կկազմակերպվի շահագրգիռ կողմերի մասնակցությամբ՝ քննարկելու առաջարկները, դիտողությունները և հետագա քայլերը։ Այս մասին տեղեկանում ենք ֆեդերացիայի կայքից: