Ուրբաթ, 29 մարտի, 2024 թ.
|
Ստեփանակերտում`   +11 °C

Հայկ Մարտիրոսյանը պարտվեց իրանցի շախմատիստին

Հայկ Մարտիրոսյանը պարտվեց իրանցի շախմատիստին
332
Երեքշաբթի, 27 հուլիսի, 2021 թ., 00:12

Սոչիում ընթացող շախմատի գավաթի խաղարկության տղամարդկանց մրցաշարում այսօր կայացան 1/8 եզրափակիչ փուլի պատասխան պարտիաները: Հայաստանի շախմատիստ Հայկ Մարտիրոսյանը սպիտակներով մրցեց իրանցի Ամին Տաբատաբաեի հետ, որին հաղթել էր առաջին պարտիայում:

Վերջնախաղում հայ գրոսմայստերը 67-րդ քայլից հետո ստիպված կանգնեցրեց ժամացույցը: Այդպիսով, դասական շախմատի երկու հանդիպումներից հետո հաշիվը հավասարվեց՝ 1:1:
Հաղթողը կորոշվի վաղը կայանալիք թայ-բրեյքում: Կողմերը կմրցեն արագ շախմատում: Եթե երկուական ձևաչափով անցկացվող վեց պարտիաներից հետո հաշիվը մնա անփոփոխ, ապա ուժեղագույնին կորոշի Արմագեդոնը: