Տոկիո-2020. օգոստոսի 1-ին Հայաստանի պատվիրակներից մրցելույթ կունենան երկուսը

560

Շաբաթ, 31 հուլիսի, 2021 թ., 15:00

Տոկիոյի օլիմպիական խաղերում վաղը՝ օգոստոսի 1-ին, Հայաստանի պատվիրակներից մրցելույթ կունենան երկուսը:

Սկսվում է հունահռոմեական ոճի ըմբիշների ստուգատեսը: Մեր տղաներից առաջինը մրցագորգ կբարձրանա Արմեն Մելիքյանը /60 կգ/: Նրա մրցակիցը իրանցի Ալի Ռեզա Նեջատին է:

Բռնցքամարտի մրցաշարում ռինգ կելնի վանաձորցի Արման Դարչինյանը /75 կգ/: Նա կհանդիպի ֆիլիպինցի Էումիր Մարսիալի հետ:

Հայտնի է դարձել նաև Հովհաննես Բաչկովի /63 կգ/ քառորդ եզրափակիչի մրցակիցը: Նա ուզբեկ Էլնուր Աբդուռաիմովն է: Հանդիպումը նշանակված է օգոստոսի 3-ին: