#Zoom-ը 85 միլիոն դոլար կվճարի դատարան դիմած օգտատերերին

Zoom ընկերությունը համաձայնել է 85 միլիոն դոլար փոխհատուցում վճարել այն օգտատերերին, որոնք դատի են տվել ընկերությանը, հաղորդում է Business Insider-ը:
Հայցի էությունը կայանում է նրանում, որ Zoom-ը խախտել է օգտատերերի անձնական կյանքի իրավունքը՝ անձնական տվյալներ փոխանցելով Facebook-ին, Google-ին և LinkedIn-ին: Բացի այդ, ընկերությունը չի կարողացել ապահովել իր հաճախորդների բարձր անվտանգությունը։ Շատ օգտատերեր ենթարկվել են, այսպես կոչված «զումբոմբինգի»՝ երբ հաքերը ներխուժում է ուրիշի վիդեոկոնֆերանս և խանգարում այն։
Խմբային հայցի մասնակիցներն իրավունք ունեն փոխհատուցում ստանալ ծառայության բաժանորդագրության արժեքի 15%-ի կամ 25 դոլարի չափով: Zoom-ը համաձայնել է նաև միջոցներ ձեռնարկել անվտանգության ամրապնդման համար: