#WhatsApp-ում անհետացող լուսանկարների և տեսանյութերի գործառույթ է հայտնվել

2149

Չորեքշաբթի, 04 օգոստոսի, 2021 թ., 22:54

WhatsApp մեսենջերում նոր գործառույթ է գործարկվել, որը թույլ է տալիս զրուցակցի հետ անհետացող լուսանկարներով և տեսանյութերով կիսվել, գրում է TechCrunch-ը:
Ինչպես հաղորդում է ընկերությունն՝ արդեն այս շաբաթ հնարավորությունը հասանելի կլինի բոլոր օգտատերերի համար: Հնարավոր կլինի նկարն ուղարկել «մեկ անգամյա դիտման» ռեժիմով։ Այս դեպքում զրուցակիցը կկարողանա ֆայլը բացել մեկ անգամ, որից հետո այն կհեռացվի և կնշվի «դիտվել է» նշանով:
WhatsApp-ում նշել են, որ նոր գործառույթը կարող է օգտակար լինել տարբեր գործողությունների համար․ օրինակ, եթե օգտատերը պետք է Wi-Fi-ի գաղտնաբառով կամ անձնագրային տվյալներով կիսվի: