Գյումրեցի 15-ամյա ծանրորդուհին՝ Եվրոպայի փոխչեմպիոն

475

Ուրբաթ, 27 օգոստոսի, 2021 թ., 00:12

Լեհաստանում ընթացող ծանրամարտի Եվրոպայի պատանեկան առաջնությունում հաջող է ելույթ ունեցել 15-ամյա գյումրեցի ծանրորդուհի Էմմա Պողոսյանը: Հատկանշական է, որ Էմման մասնակցել է առաջնությանը ոչ թե իր տարիքայինների, այլ՝ մինչև 17 տարեկանների մրցաշարին: Գյումրիի ՄԲՎԴ (Մարզական բարձրագույն վարպետության դպրոց) սանը երկամարտի 196կգ (83+113) արդյունքով դարձել է Եվրոպայի փոխչեմպիոն: Էմման նաև փոքր արծաթե մեդալներ է նվաճել պոկում և հրում վարժություններում: