Հոսպիտալացվել է համակարգչային խաղից կախվածություն ունեցող առաջին դեռահասը

37805

Կիրակի, 19 սեպտեմբերի, 2021 թ., 23:24

Իսպանիայում 2 ամսով հոսպիտալացվել է համակարգչային խաղերից կախվածություն ունեցող առաջին դեռահասը: Գրում է «ՌԻԱ նովոստի»-ն:
Նա տնից դուրս չէր գալիս և չէր ցանկանում որևէ մեկի հետ շփվել, հրաժարվում էր նաև բժշկական օգնությունից: Նրան չէր հետաքրքրում այն, ինչ կատարվում էր իր շուրջը: Երեխան քնի խանգարում ուներ և անձնական հիգիենայի մասին չէր մտածում: Բացի այդ՝ անչափահասի մոտ ախտորոշվել է աուտիզմ, սոցիալական անհանգստություն, մոր կորստի պատճառով վշտից խանգարում։ Տղայի մայրը մահացել է մեկ տարի առաջ քաղցկեղից: Նշվում է, որ երեխան ավելի վաղ ակադեմիական բարձր առաջադիմություն է ունեցել:
Բուժումը տևել է 2 ամիս և այժմ որոշակի դրական արդյունք է նկատվում։