Երևանում կանցկացվեն «Լեհական մշակույթի օրեր»
![]() 8221 Չորեքշաբթի, 20 հոկտեմբերի, 2021 թ., 17:24 Երևանում հոկտեմբերին կանցկացվեն «Լեհական մշակույթի օրեր»։ Նախագիծն իրականացնում է “Our Beat for Culture Foundation” (“Róbmy swoje dla kultury”, Լեհաստան) և Երևանի «Ոսկե ծիրան» միջազգային կինոփառատոնը՝ ՀՀ-ում Լեհաստանի Հանրապետության դեսպանության հետ համագործակցությամբ։ Նախագիծը համաֆինանսավորվել է Լեհաստանի դեսպանության մշակույթի և ազգային ժառանգության, ինչպես նաև արտաքին գործերի նախարարությունների կողմից։ Հոկտեմբերի 21-ին Կոմիտասի թանգարան-ինստիտուտում կկայանա երեխաների համար նախատեսված աշխատարան՝ լեհական պատմության և մշակույթի վերաբերյալ։ Այն կիրականացնեն մասնագետներ Łazienki Królewskie-ից։ Հոկտեմբերի 22-ին աշխատարաններ կանցկացվեն Բրյուսովի անվան պետական համալսարանում։ Նույն օրը ժամը 17:00 Հայաստանի պատմության թանգարանում կբացվի «Լազենկիի գանձերը» խորագրով ցուցահանդես։ Հոկտեմբերի 24-ին, ժամը 19:00 «Մոսկվա» կինոթատրոնում կցուցադրվի «Մաթեմատիկոսի արկածները» կինոնկարը, որին կհաջորդի հարց ու պատասխան։ Ֆիլմի աստղ Ֆիլիպ Տլոկինսկին կժամանի Հայաստան ու կմասնակցի միջոցառմանը։ Նրա այցը և ֆիլմի ցուցադրությունը իրականություն են դառնում Վարշավայի բորսային ընկերության աջակցությամբ։ Հոկտեմբերի 25-ին, ժամը 19:00 «Մոսկվա» կինոթատրոնում կցուցադրվի «Ժեյա» ֆիլմը, իսկ «Օրեր և գիշերներ» կինոնկարի ցուցադրությունը կկայանա նույն կինոթատրոնում հոկտեմբերի 26-ին, ժամը 16:00 և 18:00։ Հոկտեմբերի 28-ին, ժամը 17:00 Կոմիտասի թանգարան-ինստիտուտում կբացվի «Լեհաստանի կողմից պարգևատրված հայերը և հայկական ծագումով լեհերը» խորագրով ցուցահանդեսը։ «Լեհական մշակույթի օրեր» ծրագրի գալա համերգը կանցկացվի հոկտեմբերի 30-ին, ժամը 19:00 Կոմիտասի թանգարան-ինստիտուտում․տեղի կունենա լեհ ճանաչված երաժիշտներ Վոյտեկ Պրոնիևիչի և Ռոշկո եղբայրների համերգը։ Կհնչեն Կարոլ Լիպինսկու և Վոյչեխ Կիլարի ստեղծագործությունները։ Բոլոր միջոցառումների մուտքն ազատ է։ |
Որ երգիչը, որքան հոնորար է ստացել «Ֆեստիվառ»-ի համար․ «Ժողովուրդ»
35512.09.2025, 08:45«Դիմել եմ Տիգրան Ավինյանին՝ հասկանալու այս որոշման պատճառները»․ Քրիստինա Վարդանյան
43011.09.2025, 00:48«Մի հատ կինոթատրոն չկա, որ բոլոր ֆիլմերը հայերեն թարգմանությամբ լինեն»․ Ռուբեն Ռուբինյան (տեսանյութ)
44010.09.2025, 12:06«Հայրիկ Մուրադյանի կերպարն այսպես աղճատելու համար մեծ տաղանդ է հարկավոր»․ Հասմիկ Պապյան
50710.09.2025, 12:00«Նպատակ էին դրել վերացնել Էդուարդ Իսաբեկյանի ցուցասրահը և հասան դրան»․ Արամ Իսաբեկյան
32210.09.2025, 11:12Մահացել է Ռուբեն Մանուկյանը
26409.09.2025, 12:30Հայաստանի ազգային ֆիլհարմոնիկ նվագախումբը ելույթ է ունեցել Պերսեպոլիսում
37708.09.2025, 01:24«Եվս մեկ բացառիկ հայկական նմուշ փրկվեց անհետացումից». Համլետ Հովսեփյան (լուսանկար, տեսանյութ)
41207.09.2025, 22:24