Հայաստանի հավաքականը կրկին խոշոր հաշվով պարտություն կրեց

ԱԱ-2022-ի ընտրական փուլի հերթական տուրում Հայաստանի ազգային հավաքականն ընդունեց Հյուսիսային Մակեդոնիային ու 0:5 հաշվով պարտություն կրեց:

22-րդ րոպեին խաղի հաշիվը բացեցին հյուրերը։ Հարձակվող Ստեֆան Աշկովսկու փոխանցումից հետո աչքի ընկավ դանիական «Օլբորգի» հարձակվող Ալեքսանդր Տրայկովսկին։

37-րդ րոպեին Հյուսիսային Մակեդոնիայի առավելությունը կրկնապատկեց կիսապաշտպան Էնիս Բարդին։

66-րդ րոպեին Էնիս Բարդիի դեմ սեփական տուգանային հրապարակում կանոնները խախտեց Հովհաննես Համբարձումյանը։ Էնիս Բարդին հստակ հարվածով գրավեց Դավիթ Յուրչենկոյի պաշտպանած դարպասը։

79-րդ րոպեին հյուրերի չորրորդ գոլը խփեց Միլան Ռիստովսկին։

89-րդ րոպեին պաշտպան Դավիթ Տերտերյանը սեփական տուգանային հրապարակում գցեց Ալիոսկիին և հիմնական ժամանակի վերջին րոպեին Բարդին ձևակերպեց հեթ-թրիք։

Մեր հավաքականն իր վերջին հանդիպումը կանցկացնի նոյեմբերի 14-ին՝ հյուրընկալելով Գերմանիային: Հիշեցնենք, որ սեպտեմբերի 5-ին կրկին 5:0 հաշվով Հայաստանը պարտվեց Գերմանիային:

Այս մրցաշարում մեր հավաքականը խփել է 8 գոլ, ընդունել՝ կրկնակի ավելի՝ 16 գոլ՝ խմբում զբաղեցնելով 4-րդ հորիզոնականը: Արդեն պարզ է, որ աշխարհի առաջնության ուղեգիր չի լինի: