Երեքշաբթի, 04 նոյեմբերի, 2025 թ.
|
Ստեփանակերտում`   +10 °C

Ադրբեջանը շարունակում է ապօրինաբար դատել հայ գերիներին. քրգործով նյութերն ուղարկվել են Գյանջայի դատարան

Ադրբեջանը շարունակում է ապօրինաբար դատել հայ գերիներին. քրգործով նյութերն ուղարկվել են Գյանջայի դատարան
966
Չորեքշաբթի, 17 նոյեմբերի, 2021 թ., 13:34

Ադրբեջանը, խախտելով բոլոր մարդասիրական օրենքներն ու միջազգային իրավունքի նորմերը, շարունակում է ապօրինի դատական գործընթացները հայ ռազմագերիների նկատմամբ:

Այս մասին հայտնում են ադրբեջանական լրատվամիջոցները՝ նշելով, որ ավարտվել է Հայաստանի երկու քաղաքացիների՝ Իշխան Սարգսյանի և Վլադիմիր Ռաֆայելյանի դեմ հարուցված քրեական գործի նախաքննությունը։ Քրգործի նյութերն ուղարկվել են Գյանջայի ծանր հանցագործությունների դատարան։

ՀՀ երկու քաղաքացիներին մեղադրանք է ներկայացվել Ադրբեջանի քրեական օրենսգրքի 214.2.3 հոդվածով (ահաբեկչություն, որը կատարվել է հրազենի և որպես զենք կիրառվող առարկաների գործադրմամբ)։