Հինգշաբթի, 20 հունվարի, 2022 թ.
|
Ստեփանակերտում`   -1 °C

Հետևե՛ք երեխայի սննդակարգին տոնական օրերին. ԱՆ հորդորը

Հետևե՛ք երեխայի սննդակարգին տոնական օրերին. ԱՆ հորդորը
187
Երկուշաբթի, 27 դեկտեմբերի, 2021 թ., 18:00

Մասնագետները խորհուրդ են տալիս պահպանել երեխայի կանոնավոր սննդակարգը տոնական օրերին: Անշուշտ, դժվար է երեխային զրկել տոնական ուտեստներից, սակայն խնդիրներից խուսափելու համար պետք է զգույշ լինել «անծանոթ» սնունդ ընդունելու առումով:

Երեխաների մեծամասնությունը շատ է սիրում գազավորված ըմպելիք և քաղցր հյութեր, սակայն դրանք, ինչպես հայտնի է, այդքան էլ օգտակար չեն առողջության համար, այդ իսկ պատճառով պետք չէ թույլ տալ նրանց շատ լիմոնադ և այլ հյութեր խմել։

Ծնողները պետք է ուշադրություն դարձնեն, որպեսզի երեխան թարմ սնունդ ուտի, մաքուր լվացված միրգ։ Պետք է կրկնակի ուշադիր լինել փողոցում սնունդ գնելիս, հատկապես՝ թե որտեղ և ինչպես է պատրաստվել ուտելիքը, արդյոք թարմ է այն։

Հիշե՛ք՝ ինչքան վարակներ են անցնում չլվացված ձեռքերից: Երեխային պետք է սովորեցնել ձեռքերը լվանալ՝ պարտադիր ուտելուց առաջ և հետո: Ձեզ հետ վերցրեք թաց անձեռոցիկներ, որպեսզի ջուր չլինելու դեպքում երեխայի ձեռքերը չմնան անլվա:

Առողջապահության նախարարություն