Մեծ Բրիտանիան Ուկրաինային կմատակարարի Starstreak զենիթահրթիռային համակարգեր

Մեծ Բրիտանիան Ուկրաինա կտեղափոխի Starstreak դյուրակիր զենիթահրթիռային համակարգեր՝ ռուսական ինքնաթիռները ոչնչացնելու համար չորեքշաբթի օրը՝ մարտի 16-ին, հայտնել է Մեծ Բրիտանիայի պաշտպանության նախարար Բեն Ուոլեսը։

«Չափազանց կարևոր է, որ Ուկրաինան պահպանի թռչելու և ռուսական օդային հարձակումների դեմ պայքարելու իր կարողությունը»,- ասել է նախարարը և հիշեցրել, որ ԴԶՀ-ը պաշտպանական զենք է։

Այս պահին Բրիտանիան դիտարկում է Starstreak-ի շահագործման համար ուկրաինացի զինվորականներին սովորեցնելու, ինչպես նաև Ուկրաինա ԴԶՀ առաքելու տարբերակները։ Բաց աղբյուրներից հայտնի է դարձել, որ Starstreak-ը շահագործման է հանձնվել Մեծ Բրիտանիայում 1997 թվականին։ Այն ոչնչացնում է օդային թիրախները մինչև 5000 մետր բարձրության և մինչև 6000 մետր հեռավորության վրա:

Հրթիռի մարտագլխիկը բաղկացած է երեք կինետիկ վոլֆրամի ենթատարրերից, որոնցից յուրաքանչյուրը կշռում է 0,9 կգ։ Այն ունակ է մինչև 3,5 Մախ (4200 կմ/ժ) արագության, ինչի շնորհիվ այն աշխարհի ամենաարագ կարճ հեռահարության «երկիր-օդ» հրթիռն է։