Հայաստանի հավաքականը ԵԱ-ում թիմային հաշվարկով զբաղեցրել է 4-րդ տեղը
591 Երկուշաբթի, 04 ապրիլի, 2022 թ., 13:42 Հայաստանի հունահռոմեական ոճի ըմբշամարտի հավաքականը Հունգարիայի մայրաքաղաք Բուդապեշտում անցկացված Եվրոպայի առաջնությունում 4 մեդալ է նվաճել՝ 1 ոսկե և 3 բրոնզե: Հայաստանի հավաքականը Եվրոպայի առաջնությանը ներկայացված է եղել 7 ըմբիշով: Եվրոպայի չեմպիոնի տիտղոսը նվաճել է Մալխաս Ամոյանը, որը հանդես էր գալիս օլիմպիական՝ 77 կգ քաշային կարգում, իսկ բրոնզե մեդալակիրներ են դարձել Ռուդիկ Մկրտչյանը (55կգ), Գևորգ Ղարիբյանը (60 կգ) և Սլավիկ Գալստյանը (67 կգ: 77 կգ քաշայինների եզրափակչում Ամոյանը գոտեմարտել է 2021 թվականի Եվրոպայի փոխչեմպիոն, Մ23 տարեկանների Եվրոպայի չեմպիոն, Թուրքիայի ներկայացուցիչ Յունուս Էմրե Բաշարի հետ և 4:3 հաշվով հաղթանակ տարել: Ամոյանը պայքարը սկսել է որակավորման փուլից, որտեղ ընդամենը 1 րոպե 58 վայրկյանում 9:0 հաշվով հաղթել է Լիտվայի ներկայացուցչին, 1/8 եզրափակչում հայ ըմբիշը 5:1 հաշվով հաղթանակ է տարել սլովակ Դենիս Խորվաթի նկատմամբ, իսկ քառորդ եզրափակչում 6:5 հաշվով առավելության է հասել Ադրբեջանի ներկայացուցիչ Սանան Սուլեյմանովի նկատմամբ: Կիսաեզրափակչում էլ Ամոյանը ժամանակից շուտ՝ 4 րոպե 10 վայրկյանում, 9:0 հաշվով հաղթել է շվեդ Պեռ Ալբին Օլոֆսոնին: 55 կգ քաշային կարգում Հայաստանի ներկայացուցիչ Ռուդիկ Մկրտչյանը բրոնզե մեդալի համար պայքարում 9:1 հաշվով հաղթել է Ռումինիայի ներկայացուցիչ Դենի Ֆլորին Միհային: 60 կգ քաշայինների բրոնզե մեդալի համար գոտեմարտում Գևորգ Ղարիբյանը մրցել է Հունգարիան ներկայացնող Էրիկ Տորբայի հետ և 5:1 հաշվով վստահ հաղթանակ տարել: 67 կգ քաշայինների բրոնզե մեդալի համար պայքարում Սլավիկ Գալստյանը մրցել է Վրաստանի ներկայացուցիչ Ռամազ Զոիձեի հետ և հաղթել տուշեով: Մեդալ նվաճելուն մոտ էր նաև Հրաչյա Պողոսյանը: Եվրոպայի առաջնության 63 կգ քաշայինների բրոնզե մեդալի համար պայքարում Պողոսյանը գոտեմարտել է Թուրքիայի ներկայացուցիչ Ահմեդ Ույարի հետ, սակայն պարտվել է 5:6 հաշվով: Հայաստանի մյուս ներկայացուցիչ, 130 կգ քաշային Դավիթ Օվասապյանը մեկնարկային գոտեմարտում հաղթելուց հետո պարտվել է քառորդ եզրափակչում և լքել պայքարը, իսկ 82 կգ քաշային Կարապետ Չալյանը (82 կգ) պարտվել է մեկնարկում: Ավելի վաղ Հայաստանի ազատ ոճի ըմբշամարտի հավաքականն էլ 1 ոսկե, 1 արծաթե և 1 բրոնզե մեդալ էր նվաճել Հունգարիայում անցկացված Եվրոպայի առաջնությունում: Հայաստանի հավաքականը Եվրոպայի առաջնությանը ներկայացված է եղել 7 ըմբիշով և թիմային հաշվարկով զբաղեցրել է 4-րդ հորիզոնականը: |
Շախմատի Եվրոպայի կանանց անհատական առաջնությունում Հայաստանն ունի 4 ներկայացուցիչ
12111:00«Մարզադաշտի հանդերձարանում «Բաքսի» է տեղադրվել, սակայն այնտեղ էլեկտրական հոսանք, բնական գազ չկա». Ոսկան Սարգսյան
26517.04.2024, 05:24Օլիմպիական կրակի վառման արարողությունը՝ ուղիղ միացմամբ (տեսանյութ)
106216.04.2024, 12:485 մեդալ՝ բռնցքամարտի Եվրոպայի երիտասարդական առաջնությունից (լուսանկար)
48915.04.2024, 19:54Հայտնի է Հայաստանի գավաթի եզրափակչի օրը
36215.04.2024, 18:18Հրաձիգ Էլմիրա Կարապետյանը դարձել է Ռիո դե Ժանեյրոյի վարկանիշային մրցաշարի հաղթող
44114.04.2024, 22:48Վարազդատ Լալայանը՝ աշխարհի գավաթի խաղարկության հաղթող (տեսանյութ)
52711.04.2024, 15:00Վերջին 13 տարվա ընթացքում Հայաստանի ֆուտբոլի կանանց հավաքականը հաղթանակ է տոնել
55809.04.2024, 22:18