Բռնցքամարտի Հայաստանի կանանց հավաքականը կմեկնի Ստամբուլ

Բռնցքամարտի Հայաստանի կանանց հավաքականը մայիսի 6-ին կմեկնի Ստամբուլ, որտեղ կմասնակցի աշխարհի առաջնությանը: Այդ մասին տեղեկացնում է ՀՀ ԿԳՄՍ նախարարության պաշտոնական կայքը։

Թիմի կազմում ընդգրկված են Անուշ Գրիգորյանը (50 կգ քաշային կարգ), Եկատերինա Սիչևան (54 կգ), Անի Հովսեփյանը (70 կգ) և Գայանե Տեր-Բարսեղյանը (48 կգ): Վերջինս իր նորամուտը կնշի նման խոշոր մրցաշարում:

Հայաստանի բռնցքամարտի կանանց հավաքականը նախապատրաստվելով աշխարհի առաջնությանը, Ռաֆայել Մեհրաբյանի գլխավորությամբ ապրիլի 2-15-ն ուսումնամարզական հավաք է անցկացրել Ծաղկաձորում, իսկ այս օրերին պարապմունքները շարունակում է Օլիմպավանում:

Գլխավոր մարզչից բացի թիմի հետ Ստամբուլ կմեկնեն նաև մարզիչ Հակոբ Մելքոնյանը և բժշկուհի Ռոզա Հովհաննիսյանը: