Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Արդեն 4 տարի է՝ ենթարկվում եմ ապօրինի քրեական հետապնդման»․ Արմեն Գևորգյան

«Արդեն 4 տարի է՝ ենթարկվում եմ ապօրինի քրեական հետապնդման»․ Արմեն Գևորգյան
585
Երեքշաբթի, 19 ապրիլի, 2022 թ., 14:36

«Կան բազմաթիվ հարցեր, որոնք սույն գործին ծանոթանալուց ծագում է յուրաքանչյուր բանական մարդու մոտ»,- այսօր՝ դատական նիստի ժամանակ, իրեն առաջադրված մեղադրանքի մասին ասաց նախկին փոխվարչապետ, «Հայաստան» խմբակցության պատգամավոր Արմեն Գևորգյանը։

«Օրինակ՝ ո՞ր պետական մարմինը և ինչպե՞ս կարող էր խանգարել մի սուբյեկտի իր ակտիվները վաճառել մեկ այլ սուբյեկտի, այդ թվում՝ օտարերկրյա, ինչո՞ւ պետք է Սիլվա Համբարձումյանն ինձ որևէ բան առաջարկեր, եթե կարողացել է իր հարցերը լուծել երկրի բարձրագույն ղեկավարության հետ, կարո՞ղ է մարդը մոռանալ, որ միլիոնավոր դոլարների կաշառքներ է տվել երկրի բարձրագույն ղեկավարներին, հետո 7-8 հարցաքննությունների ընթացքում վերհիշել, այսպես կոչված, մանրամասները։ Անհասկանալի է, թե ինչու է կաշառքը բոլորին տրվել և միայն Գևորգյան Արմենին՝ բանկային փոխանցումով, ինչպե՞ս կարելի է կասկածի տակ դնել հեղինակավոր բանկերի միջոցով փոխանցված գումարի ծագման օրինականությունը և առավել ևս՝ հավատալ, որ կաշառք կարող է տրվել բանկային փոխանցման միջոցով․․․»,- նշեց նա:

«Արդեն 4 տարի է՝ ենթարկվում եմ ապօրինի քրեական հետապնդման․ այն ի սկզբանե ունեցել է քաղաքական դրդապատճառներ և բազմաթիվ անգամներ խախտվել են իմ իրավունքները»,- հավելեց Գևորգյանը։

Հիշեցնենք՝ Երևանի ընդհանուր իրավասության դատարանի Շենգավիթի նստավայրում ընթանում է «Սիլվայի գործով» դատական նիստը: