Լոնդոնն արձագանքել է բրիտանացիներին մահապատժի ենթարկելու՝ Դոնբասի անջատողականների որոշմանը

Մեծ Բրիտանիայի արտաքին գործերի նախարար Լիզ Թրասը կեղծ է անվանել անջատողական «ԴԺՀ»-ի «դատավարության» որոշումը Մեծ Բրիտանիայի քաղաքացիներ Էյդեն Ասլինի և Շոն Փինների դեմ։ Ինչպես հայտնել ենք, նրանք այսօր մահապատժի են դատապարտվել վարձկանության և իշխանության բռնի զավթման մեղադրանքով։ Նրանց հետ միասին դատապարտվել է նաև մարոկկացի Սաադուն Բրահիմը։

«Ես դատապարտում եմ Էյդեն Ասլինի և Շոն Փինների դատավճիռը, որոնք գտնվում են Դոնեցկում ռուս խամաճիկների կողմից: Նրանք ռազմագերի են: Սա կեղծ դատավճիռ է, որը զուրկ է որևէ օրինականությունից: Իմ մտքերը նրանց ընտանիքների հետ են: Մենք շարունակում ենք անել ամեն ինչ, որ աջակցենք նրանց»,- գրել է Թրասը Twitter-ում։

Փինների և Ասլինի՝ որպես ռազմագերիների կարգավիճակի մասին արտահայտվել է նաև բրիտանական կառավարության խոսնակը. «Իհարկե, մենք խորապես անհանգստացած ենք այս կապակցությամբ: Ժնևի կոնվենցիայի համաձայն՝ ռազմագերիներն իրավունք ունեն անձեռնմխելիություն և չպետք է պատասխանատվության ենթարկվեն ռազմական գործողություններին մասնակցելու համար»: