Փարիզի ահաբեկչությունների գլխավոր կազմակերպիչը դատապարտվել է ցմահ բանտարկության

Ահաբեկիչ Սալահ Աբդեսլամը՝ 2015 թվականի նոյեմբերի 13-ին Փարիզում տեղի ունեցած ահաբեկչությունների գլխավոր կազմակերպիչներից մեկը, այսօր դատապարտվել է ցմահ ազատազրկման։

Ինչպես նշում է lefigaro.fr հրատարակությունը, վճիռը կայացրել է հատուկ երդվյալ ատենակալությունը Փարիզում։

«Հինգ պրոֆեսիոնալ դատավորներ հետևել են ազգային հակաահաբեկչական դատախազության պահանջներին, որոնք պահանջել են այս չափազանց հազվադեպ պատժամիջոցը»,- ասվում է զեկույցում։

Հրապարակումն ընդգծում է, որ նման միջոցը նվազագույնի է հասցնում ազատման ցանկացած հնարավորություն։ Հիշեցնենք, որ 2015 թվականի նոյեմբերին ահաբեկիչները գրեթե միաժամանակ պայթյուններ էին կազմակերպել Սեն-Դենիի «Ստադ դե Ֆրանս» մարզադաշտի մոտ, գնդակահարել մի քանի ռեստորանների այցելուներին և ջարդ կազմակերպել «Բատակլան» համերգասրահում: Այդ հարձակումների հետևանքով զոհվել է 130 մարդ։

Բացի այդ, Մարոկկոյի ծագում ունեցող ահաբեկիչ Մուհամմեդ Աբրինին, ով մասնակցել է 2016 թվականին Փարիզի և Բրյուսելի պայթյունների պլանավորմանը, դատապարտվել է 30 տարվա ազատազրկման՝ երկու երրորդով պայմանական ազատազրկման։