Չեմպիոնների լիգա. «Փյունիկը» հաղթեց «Կլուժին» ու դուրս եկավ հաջորդ փուլ

Հուլիսի 13-ին Ռումինիայում տեղի է ունեցել Չեմպիոնների լիգայի որակավորման առաջին փուլի «Կլուժ» (Ռումինիա)-«Փյունիկ» պատասխան հանդիպումը: Հաղթողը որոշվել է հետխաղյա 11 մետրանոց հարվածաշարի միջոցով, որտեղ «Փյունիկը» հաղթել է 4:3 հաշվով:

«Կլուժ»-«Փյունիկ»՝ 2:2 (1:0, 1:1, 2:1) (11մ՝ 3:4)
Կլուժ, Կոնստանտին Ռեդուլեսկուի անվան մարզադաշտ
Մրցավար՝ Միկաել Ֆաբրի (Իտալիա)
Գոլերը՝ Ադջեյ-Բոատենգ, 6, Գայիչ, 89, 119, Պետրիլա, 90+4

11 մետրանոց հարվածաշար

Դուգաչիչ՝ 1:0, Կոչուկ՝ 1:1, Պետրիլա՝ 1:1, Դաշյան՝ 1:2, Բուրկե՝ 2:2, Հարությունյան 2:3, Մուհար՝ 3:3, Ավագյան՝ 3:4, Կամորա՝ 3:4

Այսպիսով, «Փյունիկը» պայքարը կշարունակի Չեմպիոնների լիգայի որակավորման 2-րդ փուլում, որտեղ կմրցի լյուքսեմբուրգյան «Դյուդելանժի» հետ: Հանդիպումը կկայանա հուլիսի 19/20-ին՝ Երևանում։ Այս մասին հայտնում է ՀՖՖ-ն: