Չորեքշաբթի, 18 մարտի, 2026 թ.
|
Ստեփանակերտում`   +7 °C

«Էդվարդ Ասրյանին ԳՇ պետ նշանակելը խոսում է գործարքի մասին». Տիրան Խաչատրյան

«Էդվարդ Ասրյանին ԳՇ պետ նշանակելը խոսում է գործարքի մասին». Տիրան Խաչատրյան
6720
Ուրբաթ, 15 հուլիսի, 2022 թ., 13:06

Երբ մարդուն մեկ տարի առաջ ինչ-ինչ պատճառներով պաշտոնից հեռացնում են և հետո մի քանի պաշտոն բարձրացնում ու շտաբի պետ են նշանակում՝ հասկանալի է, որ չակերտավոր գործարքի մասին է խոսքը: Այս մասին 24News-ի հետ զրույցում ասել է Գլխավոր շտաբի պետի նախկին տեղակալ Տիրան Խաչատրյանը՝ անդրադառնալով Էդվարդ Ասրյանին ԳՇ պետ նշանակելու որոշմանը:

Հարցին, թե ի՞նչ գործարքի մասին է խոսքը, Տիրան Խաչատրյանը չի ցանկացել պատասխանել, ասելով՝ իրենից ճշտեք:

Դիտարկմանը, թե մամուլում տեղեկություն կա, որ 2021 թվականին սեպտեմբերի 27-ին Էդվարդ Ասրյանն ազատվել է ԶՈՒ ԳՇ օպերատիվ գլխավոր վարչության պետի՝ ԳՇ պետի տեղակալի պաշտոնից, այն պատճառով, որ նրան տեսել էին ՊՆ նախկին նախարար Սեյրան Օհանյանի հետ, որի ժամանակ, նա Սեյրան Օհանյանին «պարոն գեներալ»-ով էր դիմել, ինչը դուր չէր եկել ԱԺ Պաշտպանության և անվտանգության հարցերով մշտական հանձնաժողովի նախագահ Անդրանիկ Քոչարյանին, Տիրան Խաչատրյանը պատասխանել է. «Իմ տեղեկություններով՝ պատճառը միայն դա չէ, այդ հանդիպման ժամանակ Էդվարդ Ասրյանը ներկայացրել է իրականությունը, ոչ միայն պատերազմի, այլ նաև հետպատերազմյան ընթացքի մասին, ինչը իշխանավորներին հաճելի չի եղել: Էդվարդ Ասրյանին շատ լավ ճանաչում եմ, բավական երկար ժամանակ իմ ենթական է եղել, գիտելիքներ ունեցող զինվորական է»: