Մեկնարկել է Պուտինի հանդիպումն Իրանի նախագահ Ռաիսիի հետ

Թեհրանում սկսվել է Ռուսաստանի և Իրանի նախագահներ Վլադիմիր Պուտինի և Իբրահիմ Ռաիսիի հանդիպումը, հայտնում է РИА Новости-ի թղթակիցը։
Պուտինը մեկօրյա այցով գտնվում է Իրանի մայրաքաղաքում։ Ինչպես և սպասվում էր, երկրների նախագահները կքննարկեն երկկողմ համագործակցության, ինչպես նաև միջազգային հարցեր։
Այնուհետև ռուսական պետության ղեկավարը բանակցություններ կվարի գերագույն առաջնորդ Ալի Խամենեիի հետ։ Դրանից հետո Պուտինը կհանդիպի իր թուրք գործընկեր Էրդողանի հետ։ Ի վերջո, Թեհրանում բանակցություններ կանցկացվեն Ռուսաստան-Իրան-Թուրքիա ձևաչափով։ Ինչպես սպասվում է, հանդիպման արդյունքներով երկրների նախագահները հանդես կգան հայտարարությամբ։ Ինչպես նշել է ՌԴ նախագահի մամուլի քարտուղար Դմիտրի Պեսկովը, բանակցությունների հիմնական թեմաները կլինեն Իրանի և Թուրքիայի հետ առևտրատնտեսական կապերը և տարածաշրջանային համագործակցությունը։