«Նրա բոլոր տեղաշարժերը կաթվածահար էին անում մեր հանգիստը». Արթուր Ղազարյան

Ծրագրավորող, մաթեմատիկոս Արթուր Ղազարյանը ֆեյսբուքյան իր էջում գրել է․ «Երկրի ղեկավարների համար հատուկ պետական ամառանոցներ հատկացնելը մի քանի նպատակ ունի։

Բացի ղեկավարի անձնական անվտանգության ապահովումից, այն հարմար է նաև երկրի քաղաքացիների համար։

Մարդկանց փողոցները չեն փակում։ Ոստիկաններն օրուգիշեր չեն հերթապահում բոլոր խաչմերուկներում։ Մարդկանց հացը ռեստորաններում և սրճարաններում թիկնապահները հարամ չեն անում։

Փաշինյանի՝ Ջերմուկ հանգստի այցը, նշածս բոլոր անհարմարությունները մեզ՝ քաղաքացիներիս, պատճառեց։ Նրա բոլոր տեղաշարժերը կաթվածահար էին անում մեր հանգիստը։

Սակայն ամեն տեղ չի, որ կհանդիպես չկլպած, ամբողջական վարունգները խրթխրթացնելով հոշոտող վարչապետին։ Ախր շատ ժողովրդական է, բայց տարրական էթիկայից զուրկ»։