Արոնյանը բաց կթողնի Հայաստանի դեմ խաղը
![]() 186 Ուրբաթ, 05 օգոստոսի, 2022 թ., 12:18 Հայաստանի տղամարդկանց հավաքականը, որը 6 տուրից հետո վաստակած 12 միավորով միանձնյա գլխավորում է մրցաշարային աղյուսակը, 7-րդ տուրում կմրցի ԱՄՆ հավաքականի հետ: Առաջին համար Գաբրիել Սարգսյանը սպիտակներով կխաղա Ֆաբիանո Կարուանայի, իսկ Հրանտ Մելքումյանը սևերով կմրցի Ուեսլի Սոյի հետ, Սամվել Տեր-Սահակյանի մրցակիցը կլինի Լեյներ Դոմինգես Պերեսը, Ռոբերտ Հովհաննիսյանն էլ կմրցակցի Սեմ Շանկլանդի հետ: Հայ գրոսմայստեր Լևոն Արոնյանը, որը հանդես է գալիս ԱՄՆ հավաքականի կազմում, բաց կթողնի այս տուրը: ԱՄՆ ընտրանին 11 միավորով երկրորդ տեղում է, իսկ լավագույն եռյակը եզրափակում է Հնդկաստանի երկրորդ թիմը: Հայաստանի հավաքականը նախորդ տուրերում հաղթել է Մադագասկարին (4:0), Անդորրային (3:1), Եգիպտոսին (2,5:1,5), Ավստրիային (3:1), Անգլիային (2,5:1,5) և Հնդկաստանի երկրորդ թիմին (2,5:1,5): Արման Փաշիկյանի գլխավորած թիմը միակն է, որը 6 հաղթանակ է տարել օլիմպիադայում: Հայաստանի կանանց հավաքականն էլ 7-րդ տուրում ուժերը կչափի Իսրայելի թիմի հետ: Առաջին համար Էլինա Դանիելյանը սպիտակներով կխաղա Մարսել Եֆրոիմսկիի հետ, Լիլիթ Մկրտչյանը սևերով կմրցի Դինա Բալենկայայի հետ, Աննա Սարգսյանը կխաղա Մաշա Կլինովայի, իսկ Սուսաննա Գաբոյանը՝ Միչալ Լահավի հետ: Հայաստանի հավաքականը նախորդ տուրերում առավելության է հասել Բոթսվանայի (4:0), Նորվեգիայի (4:0), Իռլանդիայի (4:0), Ինդոնեզիայի (3:1) և Անգլիայի (3,5:0,5) նկատմամբ, սակայն պարտվել է Էստոնիային (1,5:2,5) ու 10 միավորով բաժանում է 4-11-րդ տեղերը։ 7-րդ տուրի պարտիաները կմեկնարկեն ժամը 13:30-ից: Համաշխարհային օլիմպիադայում կանցկացվի 11 տուր։ |
Մխիթարյանը վնասվածք է ստացել
68Երեկ, 21:54Պատանի հայ բռնցքամարտիկները ևս մեկ բրոզե մեդալ ապահովեցին Թուրքիայի մրցաշարում
70Երեկ, 21:42Մուշեղ Մկրտչյանը կպայքարի ոսկե մեդալի համար, Հայկ Պապիկյանը՝ բրոնզե
111Երեկ, 14:00Հայկ Պապիկյանը հաղթել է Թուրքիայի ներկայացուցչին, Մուշեղ Մկրտչյանը՝ Ադրբեջանի (լուսանկար)
12315.08.2022, 16:42«Շիրակ»-ը համալրվել է իվուարցի ֆուտբոլիստով
30213.08.2022, 15:18Սերբ պաշտպանը միացել է «Փյունիկ»-ին
52613.08.2022, 11:36Վարչապետը պարգևատրել է ՀՀ շախմատի տղամարդկանց հավաքականի անդամներին (տեսանյութ)
23612.08.2022, 19:36«Խաղադաշտ մուտք գործելն ինքնահաստատվելու լավագույն միջոցը չէ». հայտարարություն
18412.08.2022, 11:12