Կիրակի, 30 նոյեմբերի, 2025 թ.
|
Ստեփանակերտում`   +10 °C

Մոսկվան պատասխանի է սպասում Հայաստանից. ՌԴ ԱԳՆ

Մոսկվան պատասխանի է սպասում Հայաստանից. ՌԴ ԱԳՆ
1017
Հինգշաբթի, 18 օգոստոսի, 2022 թ., 18:24

Մոսկվան պատասխանի է սպասում Հայաստանի ԱԳՆ-ին ուղղված բողոքի նոտայի կապակցությամբ, ճեպազրույցի ժամանակ ասել է ՌԴ ԱԳՆ տեղեկատվության և մամուլի վարչության փոխտնօրեն Իվան Նեչաևը։

«Համապատասխան հայտարարություն է արել Երևանում ՌԴ դեսպանությունը։ Այսօր կառուցողական զրույց է տեղի ունեցել Ռուսաստանի Դաշնության մեր գործերի ժամանակավոր հավատարմատարի և Հայաստանի արտգործնախարարության ղեկավարության միջև, մենք սպասում ենք պատասխանի»,- ասել է Նեչաևը։

Հիշեցնենք, որ ավելի վաղ ՌԴ դեսպանատունը բողոքի նոտա էր հղել Հայաստանի ԱԳՆ-ին. «Մենք վրդովված ենք տեղական տեղեկատվական դաշտում շրջանառվող ցինիկ նյութերից, որոնք հայհոյախառն ու կեղծ մեղադրանքներ են հնչեցնում ռուսական կառույցների հասցեին՝ այս տարվա օգոստոսի 14-ին «Սուրմալու» առևտրի կենտրոնի տարածքում տեղի ունեցած ողբերգության մեջ ներգրավված լինելու վերաբերյալ։

Սա համարում ենք ուղիղ սադրանք քաղաքական ուժերի կողմից, որոնք կանգնած են նման ակնարկների հետևում, և որի նպատակն է խաթարել ռուս-հայկական դաշնակցային հարաբերությունները»: