«Տեղափոխության արդյունքում ուսանողների, աշխատողների համար մեծ ցնցումներ կլինեն». Սերոբ Խաչատրյան
![]() 43035 Երեքշաբթի, 06 սեպտեմբերի, 2022 թ., 11:24 Կառավարության վերջին նիստի ժամանակ վարչապետ Նիկոլ Փաշինյանը, անդրադառնալով բարձրագույն կրթության ոլորտում փոփոխություններին, հայտարարեց հետևյալը. «Մեր բուհերը թե՛ ֆիզիկական ենթակառուցվածքի, թե՛ կրթական պրոցեսի մակարդակով հաճախ չեն համապատասխանում միջազգային չափանիշներին: Մտադիր ենք գնալ բուհերի խոշորացման և որոշ գիտահետազոտական ինստիտուտների հետ ինտեգրման ճանապարհով, այնպես, որ ունենանք առավելագույնը 8 կոնսոլիդացված պետական բուհ: Այդ բուհերը լիարժեք պետական ֆինանսավորմամբ կհամապատասխանեցվեն միջազգային չափանիշներին՝ սկսած ֆիզիկական, այդ թվում՝ կրթական, հետազոտական, մարզական, հանրակացարանային ենթակառուցվածքներից մինչև միջազգային կրթական ծրագրերը և որակավորված ու պատշաճ վճարվող պրոֆեսորադասախոսական կազմը: Արդեն կողմնորոշվել ենք ակադեմիական քաղաքի տեղադիրքի հարցով: Այն կկառուցվի Արագածոտնի մարզում, ավելի կոնկրետ՝ Աշտարակում, և միավորվող, նորացվող բուհերը ժամանակի ընթացքում կտեղափոխվեն այնտեղ»: Կրթության փորձագետ Սերոբ Խաչատրյանի խոսքով՝ բավականին բարդ նախագիծ է ու ենթադրում է լուրջ հաշվարկներ. «Ունենք մոտավորապես 70 հազար ուսանող, որոնց զգալի մասը Երևանում են սովորում և տասնյակ հազարավոր դասախոսներ, բուհերի աշխատակիցներ. սա բավականին լուրջ տեղափոխություն է, կառավարությունը պետք է լուրջ հաշվարկի՝ ի՞նչ ենք կորցնում, ի՞նչ՝ ձեռք բերում»,- ասել է նա: «Այդ ի՞նչ պետք է լինի Աշտարակում, որ դասախոսներն ավելի լավ դասավանդեն. չեմ կարծում՝ էական բան: Մարդը, որ Երևանի կենտրոնում այսօր դասավանդում է, նույն բանը կդասավանդի Աշտարակում՝ նույն որակով, մատուցմամբ»,- հավելել է կրթության փորձագետը: Նրա գնահատմամբ՝ տեղափոխության արդյունքում ուսանողների, աշխատողների համար մեծ ցնցումներ կլինեն, ինչի դիմաց էական ձեռքբերում չենք ունենա. «Կառավարման համակա՛րգն է պետք փոխել՝ ովքե՞ր են կառավարում, ինչպե՞ս, ի՞նչ են դասավանդում և այլն»,- նշել է Խաչատրյանը: |
«Չես կարող երեխային ծխախոտի հետևից ուղարկելով նրան սովորեցնել, որ ծխելը լավ բան չէ». Գրիգոր Բադալյան
12703:12Գորիսի պետական գյուղատնտեսական քոլեջը պատրաստվում է գործադուլի
23707.10.2025, 12:001-ին փուլով դպրոցների վերակազմակերպման ծրագիրը 2026թ․ սեպտեմբերի 1-ից պետք է մեկնարկի 8 մարզերում
18606.10.2025, 21:36Բարձրագույն կրթությունը չկարևորող ՔՊ-ական Հռիփսիմե Հունանյանն իր ֆեյսբուքյան էջը լրացրել է ուղղագրական սխալով
54305.10.2025, 19:36«Չի կարող ուսուցիչը լինել գնահատված, քանի դեռ կրթության նկատմամբ ակնածանքը փոխարինվում է իմիտացիոն թրենդով»․ Արման Թաթոյան
29005.10.2025, 11:12«Ուսուցիչն է կերտում ապագա քաղաքացու դիմագիծը»․ Վահագն Խաչատուրյան
25705.10.2025, 09:42«Այս իշխանությունների՝ լեզվի նկատմամբ ոտնձգությունն անդրադարձել է դասագրքերի վրա»․ Կարին Տոնոյան
42004.10.2025, 14:12«Իշխանությունները եթե անգամ դավադիր չեն, ապա հաստատ դեգեներատ են»․ Բորիս Մուրազի
49329.09.2025, 16:12