Մարիամ Մկրտչյանը դարձավ շախմատի աշխարհի չեմպիոն

Ռումինիայում ավարտին մոտեցող շախմատի աղջիկների՝ մինչև 18 տարեկանների աշխարհի առաջնության նախավերջին տուրում Հայաստանի չեմպիոն, ազգային հավաքականի անդամ Մարիամ Մկրտչյանը տարավ 10-րդ հաղթանակը՝ սև ֆիգուրներով առավելության հասնելով Լեհաստանի ներկայացուցիչ Մարտինա Վիկարի նկատմամբ։

Մարիամ Մկրտչյանը վաստակել է 10 միավոր և չեմպիոնի տիտղոսն ապահովել էր դեռ նախորդ տուրում։ Երկրորդ-երրորդ տեղերը 7,5-ական միավորով կիսում են Մոնղոլիայի ներկայացուցիչ Բատ-Էրդենե Մունգուսուլը և ադրբեջանցի Այան Ալահվերդիևան։
Առաջնության ավարտին մնացել է մեկ տուր։