Արսեն Հարությունյանը՝ աշխարհի առաջնության կրկնակի բրոնզե մեդալակիր

454

Կիրակի, 18 սեպտեմբերի, 2022 թ., 20:30

Ազատ ոճի ըմբշամարտի Եվրոպայի կրկնակի չեմպիոն Արսեն Հարությունյանը Սերբիայում երկրորդ անգամ նվաճեց աշխարհի առաջնության բրոնզե մեդալ:

61 կգ քաշայինների պայքարում Հարությունյանը բրոնզե մեդալը վիճարկեց ԱՄՆ ներկայացուցիչ Սեթ Էնթոնի Գրոսի հետ և ոչ մի հնարավորություն չտալով մրցակցին հաղթեց ժամանակից շուտ 12:0 հաշվով:

Արսեն Հարությունյանը բրոնզե մեդալակիր էր դարձել նաև 2021 թվականին Նորվեգիայի մայրաքաղաք Օսլոյում տեղի ունեցած աշխարհի առաջնությունում: