Հայաստանի հավաքականը Երևանում խոշոր հաշվով պարտվեց Ուկրաինային
367 Շաբաթ, 24 սեպտեմբերի, 2022 թ., 19:06 Ազգերի լիգայի խաղարկության խմբային փուլի 5-րդ տուրում Հայաստանի ազգային հավաքականն ընդունել էր Ուկրաինայի ընտրանուն: Մեր թիմը պարտվեց 0-5 հաշվով, գրում է armsport.am-ը։ Առաջին կեսը երկու թիմերն էլ ակտիվ էին սկսել, բայց խաղասկզբում ռեալ գոլային պահեր ստեղծեց մեր ընտրանին: Հանդիպման արդեն 5-րդ րոպեին Լուկաս Սելարայանը մեն-մենակ դուրս եկավ դարպասապահի դեմ, սակայն ոչ այնքան ուժեղ հարվածից հետո Դունինը հետ մղեց գնդակը: Րոպեներ անց Բիչախչյանը հնարավորություն ստացավ հաշիվը բացելու, բայց մոտ տարածությունից կատարած հարվածը շեղ ստացվեց: Չնայած ակտիվությանը, 21-րդ րոպեին մեր թիմը գոլ բաց թողեց․ ձախ եզրից կատարած փոխանցումից հետո գնդակը հասավ Յուրչենկոյի դարպասի մոտ կանգնած Զուբկովին, ով էլ իր հերթին այն փոխանցեց Տիմչուկին, ով գրավեց դատարկ դարպասը: Գոլից հետո մեր թիմը պարբերաբար գրոհներ էր ձեռնարկում, բայց խաղի տեմպն ընդհանուր առմամբ ընկավ. թիմերն ընդմիջման գնացին 0-1 հաշվով: Երկրորդ կեսի սկզբնամասում՝ 57-րդ րոպեին մեր ընտրանին երկրորդ գոլը բաց թողեց: 65-րդ րոպեին Ժիրայր Շաղոյանը տուգանայինի մատույցներից սպառնաց մրցակցի դարպասին, բայց գնդակը վերև ընթացավ: Խաղի 67-րդ րոպեին հյուրերը 3-րդ գնդակն ուղարկեցին Դավիդ Յուրչենկոյի դարպասը: Աչքի ընկավ Դովբիկը։ Իսկ 81-րդ և 84-րդ րոպեին հյուրերն էլ ավելի մեծացրեցին իրենց առավելությունը․ աչքի ընկան Դանիլո Իգնատենկոն և Արտյոմ Դովբիկը, ով դարձավ դուբլի հեղինակ։ Այս խաղից հետո Ուկրաինայի ընտրանին 10 միավորով ժամանակավորապես գլխավորեց մեր խումբը։ Հայաստանի հավաքականը 3 միավորով վերջինն է և հաջորդ՝ վերջին խաղում, Իռլանդիայում B լիգայում տեղը պահպանելու համար կմրցի տեղի հավաքականի հետ, որն այս պահին ունի 4 միավոր․ այսօր ավելի ուշ կհանդիպեն Շոտլանդիայի և Իռլանդիայի հավաքականները։ Եթե իռլանդացիներն այսօր հաղթեն, ապա մեր հավաքականը կկորցնի իր տեղը B լիգայում և հաջորդ մրցաշրջանում կխաղա C լիգայում։ |
«Մենք կորցրեցինք մի ամբողջ ֆուտբոլային սերունդ ու ապագա». Վրույր Քոչարյան (լուսանկար)
7919:18«Հենո՛ ջան, երկիր ենք կորցնում, բայց դու լուռ ես»․ Վարդան Ղուկասյան (տեսանյութ)
12515:18«Արմեն Մելիքբեկյանը լափում է բյուջեի փողերը»․ Վարդան Ղուկասյան (տեսանյութ)
12214:24«Հայաստանում ակումբային ֆուտբոլը հարկվում է «Սիթի»-ներին համահավասար»․ Թաթուլ Հակոբյան
174Երեկ, 15:18Մեր հավաքականը պարտություն կրեց
247Երեկ, 01:18Վրաստանի հավաքականը պատմության մեջ առաջին անգամ նվաճեց Եվրո-2024-ի ուղեգիր (լուսանկար, տեսանյութ)
740Երեկ, 00:18Առաջին խաղակեսից հետո հաշիվը 1:1 է
219Երեկ, 00:00Մահացել է Արթուր Աբրահամի հայրը
18026.03.2024, 23:30