Վերին Լարսի անցակետում հերթերն ավարտվել են

29506

Երեքշաբթի, 04 հոկտեմբերի, 2022 թ., 00:24

Ռուս-վրացական սահմանի Վերին Լարսի անցակետը դատարկ է, գրում է MK-ը: «Ինչպես տեսնում եք վեբ-տեսախցիկի կադրերում, դեպի սահման տանող մայրուղու վրա խցանում չկա, իսկ բուն անցակետում մեքենաներ չկան։ Հաղորդվում է, որ կոմունալ ծառայությունները մաքրել են նաև ճանապարհի եզրերը, որտեղ հերթի մեջ սպասող քաղաքացիները աղբ էին թափել: Այնտեղից դուրս է բերվել 15 տոննա աղբ»,- գրել է աղբյուրը։

Ավելի վաղ Հյուսիսային Օսիայի ղեկավար Սերգեյ Մենյայլոն սեպտեմբերի 28-ին հանրապետությունում բարձր զգոնության ռեժիմ էր մտցրել, սահմանափակվել էր տրանսպորտային միջոցների մուտքը, բացառությամբ տարածաշրջանի բնակիչների, Վրաստանի քաղաքացիների մեքենաների, ինչպես նաև նրանց, ովքեր մեկնել են Օսեթիա՝ արձակուրդի։

Բացի այդ, Վերին Լարսի անցակետում մոբիլիզացիայի ենթարկված քաղաքացիներն սկսել են ծանուցագրեր ստանալ։