Զելենսկին առաջարկել է դիտորդներ տեղակայել Բելառուսի հետ սահմանին

1132

Երեքշաբթի, 11 հոկտեմբերի, 2022 թ., 19:24

Ռուսները շարունակում են կեղծիքներ տարածել Բելառուսի դեմ ռազմական գործողություններ սկսելու Ուկրաինայի ենթադրյալ ծրագրերի մասին, հայտարարել է Ուկրաինայի նախագահ Վլադիմիր Զելենսկին G7-ի ղեկավարների հետ հրատապ հանդիպման ժամանակ։

Նրա խոսքով, այս ապատեղեկատվությունը հերքելու համար անհրաժեշտ է դիտորդներ տեղադրել ուկրաինա-բելառուսական սահմանին։

«Խաղաղությունը հնարավոր է ոչ միայն այն դեպքում, երբ կա խաղաղություն մեկ հարևանի հետ, այլ այն դեպքում, երբ այն կա բոլոր հարևանների հետ: Ուզում եմ ուշադրություն հրավիրել մի երկրի վրա. Բելառուսի տարածքն արդեն օգտագործվում է Ուկրաինայի վրա հարձակումների համար։ Հիմա մենք մեծ վտանգ ենք տեսնում։ Ռուսաստանը փորձում է Բելառուսին ուղղակիորեն ներքաշել պատերազմի մեջ՝ սադրելով, որ մենք, իբր, հարված ենք պատրաստում այս երկրի դեմ»,- ասել է նախագահը։