Գերմանիան Ուկրաինային կտրամադրի Mars II MLRS և Panzerhaubitze 2000 հրետանային կայանքներ

Գերմանիան Ուկրաինային կտրամադրի Mars II բազմակի հրթիռային համակարգեր և Panzerhaubitze 2000 ինքնագնաց հրետանային կայաններ, հայտնել է Գերմանիայի պաշտպանության նախարարությունը։

«Մենք համակարգում ենք մեր շարունակական աջակցությունը: Առաջիկա մի քանի շաբաթվա ընթացքում ավելի շատ PzH2000 և MARSII-ներ կհանձնվեն Ուկրաինային»,- ասվում է նախարարության հայտարարության մեջ: Տեխնիկայի ստույգ քանակությունը, որը նախատեսվում է տեղափոխել Կիև, չի նշվում։ Ուկրաինայի պաշտպանության նախարար Ալեքսեյ Ռեզնիկովն ավելի վաղ հայտնել էր, որ Ուկրաինա է մատակարարվել գերմանական առաջին IRIS-T SLM հակաօդային պաշտպանության համակարգը։ «Սկսվել է հակաօդային պաշտպանության նոր դարաշրջան»,- գրել է նա Twitter-ում։

Ընդհանուր առմամբ, Գերմանիան նախատեսում է Կիևին մատակարարել հակաօդային պաշտպանության չորս համակարգ։ Գերմանիայի կանցլեր Օլաֆ Շոլցը նշել է, որ նման կայանքներից մեկը կարող է պաշտպանել «մեծ քաղաքը ռուսական օդային հարձակումներից»: Ինչպես նշում է Der Spiegel-ը, համալիրի կառավարվող հրթիռները կարող են օդային թիրախներ խփել մինչև 40 կմ հեռավորության վրա և մինչև 20 կմ բարձրության վրա։