«Արարատ-Արմենիա»-ն նոր ֆուտբոլիստ ունի

«Արարատ-Արմենիա» ակումբին է միացել 20-ամյա նիգերիացի հարձակվող, Նիգերիայի մինչև 20 տարեկանների հավաքականի նախկին անդամ Ջեսսի Ակիլան։

Երիտասարդ ֆուտբոլիստն իր կարիերայի ընթացքում հանդես է եկել հայրենի՝ նիգերիական ակումբներում՝ ՄՖՄ-ում (2016/17 ու 2017/18 մրցաշրջաններում) և «Պլատո Յունայթեդում» (2018-ի մայիսից մինչև 2022-ի սեպտեմբեր): Վերջինիս կազմում Ակիլան անցկացրել է 57 հանդիպում, դարձել 13 գոլի հեղինակ, որոնցից 9-ը՝ նախորդ մրցաշրջանում, երբ թիմը դարձավ ՆՖՊԼ-ի փոխչեմպիոն։