Ուրբաթ, 27 հունվարի, 2023 թ.
|
Ստեփանակերտում`   0 °C

Արցախի ԱԺ-ն արտահերթ նիստ և հանրահավաք կանցկացնի

Արցախի ԱԺ-ն արտահերթ նիստ և հանրահավաք կանցկացնի
605
Հինգշաբթի, 27 հոկտեմբերի, 2022 թ., 10:18

Արցախի ԱԺ լրատվության և հանրության հետ կապերի բաժինը հայտնում է. «Արցախի Հանրապետության Խորհրդարանի քաղաքական բոլոր ուժերի նախաձեռնությամբ՝ հոկտեմբերի 30-ին՝ ժամը 15:00-ին, տեղի կունենա Ազգային ժողովի արտահերթ նիստ և հանրահավաք՝ նվիրված Արցախի Հանրապետության արժանապատիվ ու անվտանգ ապագային: Նիստն ուղիղ հեռարձակմամբ ցուցադրվելու է Ստեփանակերտի Վերածննդի հրապարակում միաժամանակ հրավիրված մեծ հանրահավաքի առջև:

Նիստից անմիջապես հետո ելույթները կշարունակվեն Վերածննդի հրապարակում հրավիրված հանրահավաքում: Բոլորիդ հորդորում ենք մասնակցել հանրահավաքին՝ սեփական ճակատագիրը հայրենի հողում տնօրինելու մեր վճռականությունը միասնաբար հայտնելու նպատակով:

Հոկտեմբերի 30-ին՝ ժամը 15:00-ին, հանդիպման վայրը Վերածննդի հրապարակն է՝ 88-ի շարժման ոգով միասին մեր ձայնը բարձրացնելու...»:

Աղբյուրը`   Արցախի ԱԺ