Սամբոյի աշխարհի առաջնությանը Հայաստանը կներկայացնի 8 մարզիկ

326

Հինգշաբթի, 10 նոյեմբերի, 2022 թ., 15:00

Սամբոյի աշխարհի 2022թ. առաջնությունն անցկացվելու է նոյեմբերի 11-ից 13-ը Ղրղզստանի մայրաքաղաք Բիշքեկում: Խաղարկվելու է մարզական սամբոյի կանանց և տղամարդկանց, մարտական սամբոյի տղամարդկանց 7-ական քաշերում մեդալների 21 հավաքածու:
Ըստ նախնական հայտերի սպասվում է շուրջ 50 երկրի մասնակցություն:
Առաջին անգամ սամբոյի պատմության ընթացքում ներկայանալու է նաև փախստականների հավաքականը՝ մեկ մարզուհով: Մարիա Ամյուլինա Գեդեսը, ով ժամանակին Վենեսուելայի հավաքականի կազմում նվաճել էր երիտասարդական առաջնության բրոնզե մեդալ, փախստականի կարգավիճակ է ստացել Ֆրանսիայում:
Նշենք, որ սպորտի պատմության մեջ առաջին անգամ փախստականների հավաքականը ներկայացել է 2016-ին՝ Ռիո դե Ժանեյրոյի օլիմպիական խաղերում:
Այս տարի Հայաստանի սամբոյի ֆեդերացիան Բիշքեկ է գործուղել 8 մարզիկի.

Մարզական սամբո

Կիրակոսյան Տիգրան-58 կգ
Մանուկյան Մաքսիմ-64 կգ
Մահինյան Կառլեն-71 կգ
Ստեփանյան Ալեքսան-79 կգ
Գրիգորյան Դավիթ-88 կգ
Խանջյան Արսեն-98 կգ
Մարտական սամբո
Պողոսյան Ավետիք-79կգ
Ավանեսյան Արման-98 կգ

Աղբյուրը` Հայաստանի սամբոյի ֆեդերացիա