Ռուսաստանը մոտ 100 հրթիռ է արձակել Ուկրաինայի ուղղությամբ. խոշորագույն քաղաքները հոսանքազրկված են
644 Երեքշաբթի, 15 նոյեմբերի, 2022 թ., 20:06 Երեքշաբթի օրը՝ նոյեմբերի 15-ին, Ռուսաստանը մոտ հարյուր հրթիռ է արձակել Ուկրաինայի ուղղությամբ՝ այդպիսով գերազանցելով հոկտեմբերի 10-ի զանգվածային հրթիռային հարվածի ուժգնությունը, երբ արձակվել էր 84 հրթիռ: «Սա անհրաժեշտ քայլ է էներգետիկ համակարգը հավասարակշռելու և սարքավորումների խափանումներից խուսափելու համար: Կայունացման անջատման ժամանակացույցը դեռևս չի գործում: Մայրաքաղաքի բաժանորդների առնվազն կեսը հոսանքազրկված է»,- ասել է Կիևի քաղաքապետ Վիտալի Կլիչկոն: Խարկովի քաղաքապետ Իգոր Տերեխովը հայտնել է, որ ենթակառուցվածքային օբյեկտների հրթիռակոծումից հետո քաղաքը մասամբ հոսանքազրկվել է։ Մետրոպոլիտենի և վերգետնյա էլեկտրատրանսպորտի աշխատանքը դադարեցվել է: Լվովում մի քանի ուժեղ պայթյուններից հետո առանց էլեկտրականության է մնացել շրջկենտրոնի մի մասը։ Ռովնո քաղաքի քաղաքապետ Ալեքսանդր Տրետյակը հայտնել է, որ ռուսները հրթիռային հարձակում են գործել կարևոր ենթակառուցվածքի օբյեկտի վրա։ Արդյունքում Ռիվնեի որոշ հատվածներ մնացել են առանց էլեկտրականության։ Մի շարք պայթյուններից հետո Ժիտոմիրն ամբողջովին հոսանքազրկվել է։ Քաղաքապետ Սերգեյ Սուխոմլինի խոսքով՝ ռուսները երկու հարված են հասցրել էներգետիկ օբյեկտներին, և վերանորոգման խմբերն անում են հնարավորը։ Խմելնիցկիի շրջանային ռազմական վարչակազմի ղեկավար Սերգեյ Գամալին հայտնել է Խմելնիցկի համայնքի տարածքում գտնվող օբյեկտներին հասցված երկու հարվածի մասին։ Քաղաքը մասամբ հոսանքազրկված է: Առանձին շրջաններ և Լուցկի մոտակայքում գտնվող որոշ գյուղեր ևս առանց էլեկտրականության են մնացել: Էլեկտրաէներգիայի վերականգնման ժամկետները դեռ հայտնի չեն: |
Մալայզիայում ուղղաթիռների բախման հետևանքով կան զոհեր (տեսանյութ)
27409:48Կապանում 35-ամյա տղամարդը սպանել է 63-ամյա տղամարդուն, ապա *** դին և թաղել իր այգում
170Երեկ, 19:18«Մալաթիա» տոնավաճառում տեղի ունեցած հրդեհը՝ լուսանկարներով (լուսանկար)
203Երեկ, 15:48Հրդեհ՝ «Մալաթիա» տոնավաճառում (տեսանյութ)
230Երեկ, 13:18Վորոնեժում գործարան է այրվում (տեսանյութ)
352Երեկ, 11:30Փլուզվել է «Շտապբուժօգնության» ենթակայանի ավտոկայանատեղիի ծածկը (լուսանկար)
155Երեկ, 10:18Ուկրաինան հայտնել է, որ Սև ծովում ռուսական հնագույն նավ է խոցել
301Երեկ, 09:54«Զորավար Անդրանիկ» մետրոյի կայարանում տղամարդն իրեն նետել է մետրոյի գնացքի տակ
25921.04.2024, 21:18