Ուրբաթ, 29 մարտի, 2024 թ.
|
Ստեփանակերտում`   +11 °C

Ուկրաինացիներն այլևս չեն կարողանա ամուսնանալ կամ ամուսնալուծվել առանց զինկոմիսարիատի տեղեկանքի

Ուկրաինացիներն այլևս չեն կարողանա ամուսնանալ կամ ամուսնալուծվել առանց զինկոմիսարիատի տեղեկանքի
652
Շաբաթ, 19 նոյեմբերի, 2022 թ., 20:18

Ուկրաինայի արական սեռի քաղաքացիներն այսուհետ չեն կարող ամուսնանալ, ամուսնալուծվել, անշարժ գույք վաճառել կամ գնել, քանի դեռ զինկոմիսարիատից տեղեկանք չեն ստացել։
Այս մասին ուկրաինական հեռուստաալիքներից մեկի եթերում հայտարարել է Լվովի մարզային հավաքագրման կենտրոնի ղեկավար Ալեքսանդր Տիշչենկոն՝ հղում անելով Ուկրաինայի Զինված ուժերի հրամանատարության ինչ-որ հրամանին։
Նրա խոսքով, ուկրաինացի ժամկետային զինծառայողներից պահանջվում է նաև անհապաղ տեղեկացնել մոտակա զինկոմիսարիատին իրենց բնակության վայրի փոփոխության մասին:

Նշվում է, որ սոցցանցերում ուկրաինացիները մտահոգություն են հայտնել, որ վկայական ստանալու համար զինվորական հաշվառման և զինկոմիսարիատ գնալը կարող է հանգեցնել զինվորագրման և ռազմաճակատ ուղարկելուն:

Նոյեմբերի 16-ին Ուկրաինայի իշխանությունները ևս 90 օրով երկարացրել են ռազմական դրությունը և ընդհանուր մոբիլիզացիան։ Առաջին անգամ համընդհանուր մոբիլիզացիան մտցրեց Ուկրաինայի նախագահ Վլադիմիր Զելենսկին՝ փետրվարի 25-ի հրամանագրով։ Հետո այն բազմիցս երկարաձգվեց։