Ֆրանսիան հաղթեց Դանիային և առաջինը մտավ փլեյ-օֆֆ. Քաթար-2022

363

Շաբաթ, 26 նոյեմբերի, 2022 թ., 23:06

ԱԱ-2022-ի խմբային փուլի երկրորդ տուրում Ֆրանսիայի հավաքականը հաղթանակի հասավ Դանիայի թիմի նկատմամբ:

61-րդ րոպեին ֆրանսիացիների առաջ է մղել ՊՍԺ հարձակվող Կիլիան Մբապպեն:

68-րդ րոպեին Էրիկսենի անկյունայինի խաղարկումից հետո գնդակը հայտնվեց Անդերսենի մոտ, որը գլխով այն փոխանցեց Քրիստենսենին, իսկ վերջինս գլխով գրավեց դարպասը։ Հաշիվը հավասար է՝ 1-1։

Հիմնական ժամանակի ավարտից 4 րոպե առաջ Մբապպեն խփելով իր երկրորդ գոլը՝ հաղթանակ պարգևեց Ֆրանսիայի թիմին:

Այսպիսով, Ֆրանսիան դարձավ ԱԱ-2022-ի առաջին թիմը, որը դուրս եկավ փլեյ-օֆֆ: Այս մասին հայտնում է ArmSport.am-ը։