Ռուսաստանը ռմբակոծում է նոր թևավոր հրթիռներով, որոնք արտադրվել են պատժամիջոցների սահմանումից հետո. #NYT

Ռուսաստանն Ուկրաինայի դեմ իր հրթիռակոծության ժամանակ օգտագործում է նոր թևավոր հրթիռներ, որոնք արտադրվել են Արևմուտքի պատժամիջոցների սահմանումից հետո։ Սա նշանակում է, որ Մոսկվան գտել է կիսահաղորդիչներ և այլ բաղադրիչներ ձեռք բերելու ուղիներ, կամ Ռուսաստանը մինչև պատերազմը բաղադրիչների զգալի պաշարներ ուներ, գրում է The New York Times-ը՝ վկայակոչելով Conflict Armament Research-ի բրիտանացի վերլուծաբաններին:

Փորձագետներն ուսումնասիրել են նոյեմբերի 23-ի հարձակումից հետո Կիևում հայտնաբերված Kh-101 թևավոր հրթիռների բեկորները։ Զենքերի վրայի գծանշումները, ըստ հաղորդագրության, վկայում են այն մասին, որ հրթիռներից մեկը պատրաստվել է ամռանը, իսկ մյուսը՝ հոկտեմբերից ոչ վաղ։ Նրանք եզրակացրել են, որ Ռուսաստանը շարունակում է կառավարվող հրթիռների արտադրությունը՝ չնայած Արևմուտքի պատժամիջոցներին, որոնք կոչված են զրկելու Մոսկվային դրանց արտադրության համար անհրաժեշտ բաղադրիչներից: Մինչ այդ վերլուծաբանները պարզել էին, որ իրենց հետազոտած ռուսական առաջադեմ ռազմական տեխնիկայի գրեթե ամբողջ մասը կառուցվել է արևմտյան կիսահաղորդիչների օգտագործմամբ, և Բրիտանիայի Միացյալ Թագավորական պաշտպանության հետազոտական ​​ինստիտուտի (RUSI) աշխատակիցներն ու գործընկերները պարզել են, որ այն զենքերում, որոնք Ռուսաստանն օգտագործում է Ուկրաինայի դեմ, գերակշռում են արտասահմանյան արտադրության միկրոչիպերը։

Արևմտյան երկրների կողմից սահմանված պատժամիջոցները ենթադրում են արգելք Ռուսաստանի հասանելիությանը բարձր տեխնոլոգիական ռազմական և երկակի նշանակության արտադրանքներին, սարքավորումների պահպանման պայմանագրերի կնքմանը։

Էստոնիայի արտաքին քաղաքականության ինստիտուտի գիտաշխատող Իգոր Գրեցկին ավելի վաղ ասել էր, որ պատժամիջոցների ներդրմամբ կարող են մեծանալ Ռուսաստանի կողմից արդյունաբերական լրտեսության ինտենսիվությունն ու մասշտաբները արևմտյան երկրներում, առաջին հերթին՝ ԱՄՆ-ում։ «Անպես է թվում, թե Կրեմլը փորձում է ինչ-որ չափով փոխհատուցել դեֆիցիտը»,- ասել է նա։