Կիրակի, 08 նոյեմբերի, 2026 թ.
|
Ստեփանակերտում`   +2 °C

Հորդորում ենք քաղաքացիներին ցուցաբերել հանդարտություն. Արցախի տեղեկատվական շտաբ

Հորդորում ենք քաղաքացիներին ցուցաբերել հանդարտություն. Արցախի տեղեկատվական շտաբ
890
Երկուշաբթի, 12 դեկտեմբերի, 2022 թ., 11:48

Արցախի տեղեկատվական շտաբը հաղորդագրություն է տարածել. «Քաղաքացիական հագուստներով մի խումբ ադրբեջանցիներ, կրկին բնապահպանական պատճառաբանությամբ, այսօր՝ առավոտյան ժամը 10:30-ի հատվածում, փակել են Ստեփանակերտ-Գորիս մայրուղին: Միջադեպի վերաբերյալ պատշաճ տեղեկացված է Արցախում տեղակայված ռուսական խաղաղապահ զորակազմի հրամանատարությունը:

Անընդունելի համարելով ադրբեջանական կողմի ագրեսիվ ու ապակառուցողական վարքը՝ Արցախի լիազոր պետական մարմինները ձեռնարկում են բոլոր հնարավոր միջոցներն իրավիճակի կարգավորման ուղղությամբ՝ կապ պահելով ռուսական խաղաղապահ զորակազմի հրամանատարության հետ:

Հորդորում ենք քաղաքացիներին ցուցաբերել հանդարտություն և հետևել պաշտոնական լրահոսին՝ զերծ մնալով չստուգված տեղեկությունների տարածումից: Իրավիճակի զարգացումների վերաբերյալ լրացուցիչ տեղեկատվություն կտրամադրվի»։

Աղբյուրը`   Արցախի տեղեկատվական շտաբ