Հայ շախմատիստներն Ալմաթիում մասնակցում են արագ և կայծակնային շախմատի աշխարհի առաջնությանը
234 Երկուշաբթի, 26 դեկտեմբերի, 2022 թ., 15:48 Ղազախստանի Ալմաթի քաղաքում այսօր մեկնարկում է արագ և կայծակնային (բլից) շախմատի աշխարհի առաջնությունը, որին մասնակցում են նաև Հայաստանի ներկայացուցիչները: Հայաստանի տղամարդկանց հավաքականի կազմում ընդգրկված են գրոսմայստերներ Գաբրիել Սարգսյանը, Ռոբերտ Հովհաննիսյանը, Զավեն Անդրիասյանը, Տիգրան Պետրոսյանը, Հայկ Մարտիրոսյանը, Շանթ Սարգսյանը, Մանուէլ Պետրոսյանը, Տիգրան Հարությունյանը, Մամիկոն Ղարիբյանը և Սամվել Տեր-Սահակյանը: Վերջինս, ի դեպ, այսօր կայանալիք առաջին տուրում կմրցի աշխարհի գործող չեմպիոն, նորվեգացի Մագնուս Կարլսենի հետ: Կանանց մրցաշարում մեր երկրի մարզական պատիվը կպաշտպանեն Էլինա Դանիելյանը, Լիլիթ Մկրտչյանը, Մարիամ Մկրտչյանը և Սուսաննա Գաբոյանը: Մրցաշարին մասնակցում է 50 երկրի շուրջ 290 ներկայացուցիչ: Առաջնությանը հայտավորված են նաև ԱՄՆ ներկայացուցիչներ Հիկարու Նակամուրան, Ֆաբիանո Կարուանան, ՖԻԴԵ-ի դրոշի ներքո հանդես եկող Յան Նեպոմնյաշչին, Ալեքսանդր Գրիշչուկը, Նիդեռլանդների ներկայացուցիչ Անիշ Գիրին, ֆրանսիացի Մաքսիմ Վաշե-Լագրավը և մի շարք այլ տիտղոսակիր շախմատիստներ: Առաջնության մրցանակային հիմնադրամը 1 միլիոն ԱՄՆ դոլար է: Առաջնությունը կավարտվի դեկտեմբերի 30-ին: |
Գագիկ Նավոյանը՝ Հայաստանի մինչև 16 տարեկանների չեմպիոն
35521.04.2024, 16:06Աշխարհի գավաթ․ մարմնամարզիկ Արթուր Դավթյանը՝ 2024 թվականի բացարձակ հաղթող
32220.04.2024, 20:54Բռնցքամարտի Հայաստանի չեմպիոնը Սերբիայում հաղթել է Եվրոպայի չեմպիոնին
38320.04.2024, 17:48Վահագն Դավթյանը Փարիզի 2024թ. Օլիմպիական խաղերի ուղեգիր նվաճեց (լուսանկար)
41019.04.2024, 22:48Շախմատի Եվրոպայի կանանց անհատական առաջնությունում Հայաստանն ունի 4 ներկայացուցիչ
33719.04.2024, 11:00«Մարզադաշտի հանդերձարանում «Բաքսի» է տեղադրվել, սակայն այնտեղ էլեկտրական հոսանք, բնական գազ չկա». Ոսկան Սարգսյան
45417.04.2024, 05:24Օլիմպիական կրակի վառման արարողությունը՝ ուղիղ միացմամբ (տեսանյութ)
179816.04.2024, 12:485 մեդալ՝ բռնցքամարտի Եվրոպայի երիտասարդական առաջնությունից (լուսանկար)
63715.04.2024, 19:54