Երեքշաբթի, 03 նոյեմբերի, 2026 թ.
|
Ստեփանակերտում`   +8 °C

Իրանի դեմ Արևմուտքի պատերազմը դատապարտված է ձախողման. Քանանի

Իրանի դեմ Արևմուտքի պատերազմը դատապարտված է ձախողման. Քանանի
1443
Կիրակի, 22 հունվարի, 2023 թ., 22:06

«Ցույցեր, բողոքի ակցիաներ, բախումներ և բռնություններ Փարիզում, Լոնդոնում և Թել Ավիվում։ Բայց նրանց լրատվամիջոցները խոսում են Իրանում բողոքի ցույցերի մասին, որոնք մարել են ավելի քան մեկ ամիս առաջ՝ չնայած Արևմուտքի բոլոր փորձերին՝ բոցավառելու, սաստկացնելու և աջակցելու դրանք»,- գրել է Իրանի արտգործնախարարության պաշտոնական ներկայացուցիչ Նասեր Քանանին իր Twitter-ում։
«Իրանի դեմ Արևմուտքի ներկայիս ճանաչողական և հիբրիդային պատերազմը նրանց ռազմական, տնտեսական, քաղաքական և հոգեբանական արշավի շարունակությունն է, և այն դատապարտված է ձախողման, ինչպես անցյալում», - հավելել է նա։
Հունվարի 19-ին Եվրոխորհրդարանը հավանություն է տվել բանաձևին, որով ԵՄ ղեկավարությանը կոչ է արվում ընդգրկել Իսլամական հեղափոխության պահապանների կորպուսին ահաբեկչական կազմակերպությունների ցանկում՝ ենթադրյալ ահաբեկչական գործունեության, ցուցարարներին ճնշումների ենթարկելու և Ռուսաստանին անօդաչու թռչող սարքեր մատակարարելու համար:

Կարդացե՛ք նաև