Չորեքշաբթի, 22 ապրիլի, 2026 թ.
|
Ստեփանակերտում`   +5 °C

«Հայաստանն ու Ադրբեջանն իսկապես պատմական հնարավորություն ունեն». Բլինքեն

«Հայաստանն ու Ադրբեջանն իսկապես պատմական հնարավորություն ունեն». Բլինքեն
792
Շաբաթ, 18 փետրվարի, 2023 թ., 19:30

ԱՄՆ Պետքարտուղար Էնթոնի Բլինքենը Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ հանդիպման ժամանակ ասել է, որ երկու երկրներն էլ 30 տարվա հակամարտությունից հետո խաղաղության հասնելու պատմական հնարավորություն ունեն։
«Մենք կարծում ենք, որ Հայաստանն ու Ադրբեջանը իսկապես պատմական հնարավորություն ունեն՝ հասնելու կայուն խաղաղության ավելի քան 30 տարվա հակամարտությունից հետո»,- ասել է նա։
Հանդիպումը կայացել է Մյունխենի համաժողովի շրջանակում։ Բլինքենը կողմերին խոստացել է ԱՄՆ-ի աջակցությունը խաղաղության հաստատման գործում։
«Կողմերն իրենք են վերականգնել կենտրոնացումը խաղաղ գործընթացի վրա, այդ թվում՝ ուղիղ բանակցությունների, ինչպես նաև Եվրոմիության և մեր միջոցով: Միացյալ Նահանգները պատրաստ է անել ամեն ինչ՝ աջակցելու այդ ջանքերին»,- ասել է նա: