Կիմ Չեն Ընի քույրն սպառնացել է հրթիռներ արձակել Խաղաղ օվկիանոս՝ ի պատասխան ԱՄՆ գործողությունների

Ամերիկյան զորքերի՝ գործողությունների բնույթի փոփոխության դեպքում Հյուսիսային Կորեան կսկսի հրթիռներ արձակել Խաղաղ օվկիանոսի ուղղությամբ: Այս մասին հայտարարել է Կորեայի աշխատավորական կուսակցության կենտրոնական կոմիտեի վարչության ղեկավարի տեղակալ, ԿԺԴՀ առաջնորդ Կիմ Չեն Ընի քույրը։

«Խաղաղ օվկիանոսը որպես զորավարժարան օգտագործելու հաճախականությունը կախված է ԱՄՆ զորքերի գործողությունների բնույթից»,- ասել է Կին Յո Չժոն: Նա հավելել է, որ Փհենյանը հետևում է Կորեական թերակղզում ԱՄՆ զորքերի գործողությունների ակտիվացմանը և դիտարկում է դրանց ազդեցությունը երկրի անվտանգության վրա, իսկ սպառնալիքի դեպքում համապատասխան միջոցներ կձեռնարկի: