Սարգիս Ստեփանյանը բրոնզե մեդալ է նվաճել Շարժայում

411

Երեքշաբթի, 21 փետրվարի, 2023 թ., 18:12

Շարժայում անցկացվող միջազգային մրցաշարում պարասկավառակի նետում վարժությունում Սարգիս Ստեփանյանը բրոնզե մեդալ է նվաճել։ Տեղեկությունը հայտնում է ՀՀ հաշմանդամային սպորտի ֆեդերացիայի մամուլի ծառայությունը։
Ըստ հաղորդագրության՝ այսօր Ստեփանյանի ծննդյան օրն է։ Հաշմանդամային սպորտի ֆեդերացիան շնորհավորել է հիմնադիր նախագահին։

Հիշեցնենք, որ փոխգնդապետ Սարգիս Ստեփանյանը 2014 թվականին մարտական առաջադրանք կատարելիս զրկվել է երեք վերջույթներից։
Հետագայում հիմնել է հայ հերոսների վերականգնողական կենտրոնը, որտեղ նաև իր փորձով օգնում է զինհաշմանդամներին կյանք վերադառնալ։
Նա բազկամարտի Եվրոպայի և աշխարհի բազմակի չեմպիոն է։