Հունահռոմեական ոճի ըմբիշները 9 մեդալ են նվաճել միջազգային մրցաշարում

371

Երեքշաբթի, 21 փետրվարի, 2023 թ., 21:36

Հայաստանի հունահռոմեական ոճի ըմբշամարտի հավաքականը մեդալների մեծ պաշարով է վերադարձել Ռյազանի միջազգային մրցաշարից:
Մրցաշարին հավաքականը ներկայացել է ընդլայնված կազմով: Ոսկե մեդալակիրներ են դարձել՝ Կարապետ Մանվելյան (55կգ), Սուրեն Աղաջանյան (60 կգ), Սահակ Հովհաննիսյան (63 կգ), Հայկ Մելիքյան (67 կգ), Կարեն Խաչատրյան (82 կգ), Հայկ Խլոյան (97 կգ):

Երկրորդ տեղն է զբաղեցրել Աշոտ Խաչատրյանը (67 կգ), իսկ բրոնզե մեդալակիրներ են դարձել՝ Աշոտ Կիրակոսյանը (77 կգ) և Հովհաննես Հարությունյանը (87 կգ):