Սի Ցզինպինն առաջիկա ամիսներին կայցելի Ռուսաստան. #WSJ

1431

Երեքշաբթի, 21 փետրվարի, 2023 թ., 22:36

Չինաստանի առաջնորդ Սի Ցզինպինը կարող է առաջիկա ամիսներին այցելել Ռուսաստան՝ Վլադիմիր Պուտինի հետ բարձր մակարդակի հանդիպում ունենալու համար։ Այս մասին հայտնում է The Wall Street Journal-ը՝ վկայակոչելով աղբյուրներին։

«Պեկինն ասում է, որ ցանկանում է ավելի ակտիվ դեր խաղալ հակամարտությունը դադարեցնելու համար, և մարդիկ, ովքեր ծանոթ են պարոն Սիի ճամփորդական ծրագրերին, ասում են, որ Պուտինի հետ հանդիպումը կլինի բազմակողմ խաղաղ բանակցությունների խթանման մաս և թույլ կտա Չինաստանին կրկնել միջուկային զենք չօգտագործելու կոչերը»,- գրում է հրատարակությունը։

Փետրվարի 21-ին ՌԴ Անվտանգության խորհրդի քարտուղար Նիկոլայ Պատրուշևը Մոսկվայում հանդիպել է Չինաստանի Կոմկուսի Կենտկոմի արտաքին հարաբերությունների հանձնաժողովի գրասենյակի ղեկավար Վան Յիի հետ։

Ավելի վաղ հաղորդել էինք, որ Չինաստանը մշակել է ուկրաինական հակամարտության խաղաղ կարգավորման ծրագիր, որին ծանոթացել էր Bloomberg-ը։