Երկուշաբթի, 02 նոյեմբերի, 2026 թ.
|
Ստեփանակերտում`   +9 °C

Մ23 ԵԱ. Աշոտ Խաչատրյանը կպայքարի բրոնզե մեդալի համար

Մ23 ԵԱ. Աշոտ Խաչատրյանը կպայքարի բրոնզե մեդալի համար
233
Երեքշաբթի, 14 մարտի, 2023 թ., 20:30

Ռումինիայի մայրաքաղաք Բուխարեստում ընթացող հունահռոմեական ըմբշամարտի Եվրոպայի մինչև 23 տարեկանների առաջնության երկրորդ մրցումային օրը կիսաեզրափակիչ դուրս եկած Հայաստանի միակ ներկայացուցիչ Աշոտ Խաչատրյանը կպայքարի բրոնզե մեդալի համար:

67 կգ քաշայինների կիսաեզրափակիչում Խաչատրյանը 0:11 հաշվով պարտվել է Վրաստանի ներկայացուցիչ Դիեգո Չխիկվաձեին:

Աշոտ Խաչատրյանը պայքարը սկսել էր որակավորման փուլից, որտեղ 4:2 հաշվով հաղթել էր Ֆրանսիայի ներկայացուցիչ Յանիս Նիֆրիին: Քառորդ եզրափակիչում Խաչատրյանը ժամանակից շուտ 10:0 հաշվով հաղթանակի էր հասել լեհ Ալեքսանդր Մելեւչիկի նկատմամբ:

Քիչ անց կմեկնարկեն եզրափակիչներն ու բրոնզե մեդալի համար գոտեմարտերը:

Արմեն Բաբալարյանի գլխավորած հավաքականից ոսկե մեդալի գոտեմարտ կանցկացնի 55 կգ քաշային Կարապետ Մանվելյանը: Մրցակիցը ռումինացի Դենիս Ֆլորին Միհայն է:

Բրոնզե մեդալի գոտեմարտեր կանցկացնեն Հովհաննես Հարությունյանը (87 կգ) եւ Ալբերտ Վարդանյանը (130 կգ):

Հարությունյանի մրցակիցը կլինի մոլդովացի Գաբրիել Լուպասկոն, Ալբերտ Վարդանյանը բրոնզե մեդալը կվիճարկի չեխ Մարսել Ալբինիի հետ: