«Լրջորեն նախապատրաստվում ենք, հուսով եմ՝ կհաղթենք». Սպերցյան

ՀՖՖ Տեխնիկական կենտրոն/Ֆուտբոլի ակադեմիայում այսօր՝ մարտի 20-ին, Հայաստանի ազգային հավաքականը բաց մարզում է անցկացրել:

Մարզման ավարտից հետո մեր թիմի կիսապաշտպան Էդուարդ Սպերցյանը ստացավ 2022 թվականի՝ Հայաստանի լավագույն ֆուտբոլիստի մրցանակը, իսկ հետո պատասխանել է լրագրողների հարցերին. գրում է ArmSport.am-ը:

«Շատ ենք սպասում այս խաղին, շատ լրջորեն նախապատրաստվում ենք, հուսով եմ՝ ամեն բան մեր կողմից կլինի և մենք կհաղթենք:

Այսօր անձամբ ես լիարժեք մարզում անցկացրի, նախքան մարզումն էլ տեսական մաս էինք ունեցել, ամեն ինչ հասկանալի է: Իհարկե, ամեն ինչ փոխվում է. ամեն մարզիչ իր պահանջներն ունի:

Նորեկները շատ լավ տղաներ են: Նաիրին ես ճանաչում եմ: «Բավարիա-2»-ի ֆուտբոլիստը, Գեորգի Հարությունյանը՝ «Կրասնոդարի» մեր երկրորդ թիմից: Բոլորն էլ շատ տաղանդավոր են, բոլորին էլ մեծ ապագա է սպասվում, ուստի կարծում եմ, որ նրանք մեծ ուժեղացում են մեր հավաքականի համար», – ասել է Սպերցյանը: