Երկուշաբթի, 23 փետրվարի, 2026 թ.
|
Ստեփանակերտում`   +3 °C

ԱՄՆ-ն չի բացառում նոր հարվածներ հասցնելը Սիրիայի իրանական օբյեկտներին  

ԱՄՆ-ն չի բացառում նոր հարվածներ հասցնելը Սիրիայի իրանական օբյեկտներին  
638
Կիրակի, 26 մարտի, 2023 թ., 20:24

ԱՄՆ-ը մտադիր չէ կրճատել իր ռազմական ներկայությունը Սիրիայում իր բազաների վրա հարձակումներից հետո և չի բացառում նոր պատասխան գործողություններն իրանամետ խմբավորումների դեմ։ Այս մասին CBS-ին տված հարցազրույցում հայտարարել է Սպիտակ տան Ազգային անվտանգության խորհրդի (ԱԱԽ) ռազմավարական հաղորդակցությունների համակարգող Ջոն Քիրբին։
«Մենք լիովին հավատարիմ ենք դրան»,- ասել է Քիրբին՝ պատասխանելով հաղորդավարի այն հարցին, թե արդյո՞ք Միացյալ Նահանգները մտադիր է պահպանել իր ներկայիս ռազմական ներկայությունը Սիրիայում։

««Իսլամական պետությունը» ոչնչացնելու մեր առաքելությունը չի փոխվի»,- շարունակեց նա: «Մենք Սիրիայում 1000-ից պակաս զորք ունենք, որոնք կատարում են այդ խնդիրը: Դա շատ ավելի քիչ է, քան նախկինում էր, բայց բավական է և շատ կարևոր: Այսպիսով, մենք կշարունակենք իրականացնել այս խնդիրը»:

Քիրբին չի բացառել ավելի շատ պատասխան հարվածները Սիրիայում իրանամետ խմբավորումների դեմ։ «Ես միանշանակ չեմ բացառի ԱՄՆ-ի լրացուցիչ գործողությունների հնարավորությունը, եթե նախագահը հնարավոր և անհրաժեշտ համարի պաշտպանել մեր բանակն ու բազաները»,- հավելել է նա։