Ծանրամարտի Եվրոպայի ֆեդերացիան հայտարարություն է տարածել
![]() 8805 Շաբաթ, 15 ապրիլի, 2023 թ., 22:06 Ծանրամարտի Եվրոպայի ֆեդերացիան (EWF) հայտարարություն է տարածել՝ արձագանքելով Երևանում ընթացող ծանրամարտի Եվրոպայի առաջնության բացման արարողության ժամանակ Ադրբեջանի դրոշն այրելու միջադեպին։ Ֆեդերացիան խստորեն դատապարտել է կատարվածը՝ այն համարելով չափազանց լուրջ և ափսոսանքի արժանի քայլ և ոտնձգություն սպորտային արժեքների ամբողջականության և արդար խաղի համընդհանուր սկզբունքների նկատմամբ: «EWF-ն անմիջապես արձագանքել է այս միջադեպին՝ հայտնելով իր հաստատակամ դիրքորոշումը Կազմկոմիտեին և խնդրելով լրացուցիչ երաշխիքներ տրամադրել այս մրցույթի բոլոր մասնակիցների համար: EWF-ն մշտապես եղել է Ադրբեջանի պատվիրակության հետ՝ իր լիակատար համերաշխությունն ու աջակցությունը հայտնելով մարզիկներին, մարզիչներին և պաշտոնյաներին։ Ցավում ենք, որ Ադրբեջանի Հանրապետության պատվիրակությունը ստիպված է եղել լքել մրցույթը, բայց միևնույն ժամանակ հարգում ենք այդ որոշումը։ Մենք անմիջականորեն ներգրավված էինք պատվիրակության՝ Հայաստանից մեկնելուց առաջ անվտանգության բոլոր պայմանների ապահովման գործում։ EWF-ն անուշադրության չի մատնի այս իրադարձությունը և կքննարկի կատարվածի համատեքստում լրացուցիչ միջոցներ ձեռնարկելու հնարավորությունը։ EWF-ի ղեկավարությունը կմասնակցի այս առաջնության շրջանակներում անցկացվող բոլոր միջոցառումներին՝ մինչև պատվիրակությունների մեկնումը, որպեսզի թիմերի անվտանգության բոլոր պայմանները պահպանվեն։ EWF-ը համերաշխ է Ադրբեջանի ազգային հավաքականի և Ադրբեջանի ֆեդերացիայի հետ և հասանելի ցանկացած ձևի աջակցության համար, որը պահանջվում է սպորտի և արդար խաղի ոգուն համահունչ»,- ասվում է հաղորդագրության մեջ:
|
«Ես հանձնվողներից չեմ». Արսեն Հարությունյան
46916.09.2025, 11:26Ըմբիշ Արսեն Հարութունյանը՝ աշխարհի առաջնության բրոնզե մեդալակիր (տեսանյութ)
31815.09.2025, 20:48«Անհամբեր սպասում եմ վերադառնալ մրցելու՝ առանց ցավերի, ավելի ուժեղ». Էլինա Ավանեսյան
43313.09.2025, 21:00Արման Անդրեասյանը 8:6 հաշվով հաղթեց ադրբեջանցուն (տեսանյութ)
52213.09.2025, 16:24«Չիտայում ընթացող միջազգային մրցաշարում առաջին ոսկե մեդալն ունենք»․ Հայաստանի բռնցքամարտի ֆեդերացիա
44913.09.2025, 15:18«Եղիշե Մելիքյանի ասածից հետո հույս արթնացավ»․ Սերգեյ Ջանջոյան (տեսանյութ)
42813.09.2025, 11:06Հենրիխ Մխիթարյանն արժանացել է «Gentleman Inter» մրցանակին
74111.09.2025, 17:20Բալիում ջրհեղեղի հետևանքով 9 մարդ է զոհվել․ կան անհետ կորածներ
72811.09.2025, 10:56